Oís ne rkinde'e loó gui'ich ne noon

Sheé ga'a marz ís txhup milneé chimtxhúp, teé nentne'e laa sala regional xalapa

del tribunal electoral del poder judicial de la federación reé ne junt ne waak' lguias

sheé tap' máu chibtxhúp ís txhup milneé chimtéb, nentne'e wsaal xhtís ne suú

xhielou lguias ne laa santa maría quiegolani dele ís ne saá txhup milneé chimtxhúp

xhtegue ís txhup milneé chimtáp, gaák nondetoó porque guích ne rnab iraá

xhcuent mén ne sa'ac gaák xhtís lguiasreé ndaal cosree wendetoó. tebo'o nak' ne

ichín men ís ne nxhode', ne che' utsalñaa mén u che' waak' mén xhmardóm marz

u xhmardóm chi'in sheé goxht, nondet iraá cosree porque steé na'kcó loó artículo

kuneér guich ne laa Constitucion Política de los Estados Unidos Mexicanos.

Steboó reé ne saap men ne gák' men mardóm ñalxhé ratmen len ido'o católica.

Por iraá cosree, wchín sté ne sa'ap ne gak' steé junt chen yelel men xhtís ne suú

xhielou lguias reé dele ís ne saá txhup milneé chimtxhúp xhtegue ís txhup milneé

chimtáp, ghi'ch ree sa'p decne iranche mén !guias reé, men !guias sant yóu, men

lguias san wseé, men lguias san ndrixh inebéyoo.

dís ree che saáu loó gobernador la'a, chen ngaaná xhan stebco'o ne yde'e xha ne

soob lguias gu'u xha mbán junt lguias steé.

Oís ne rieé ne xhnás gaák'

Kuneér: rdee iraá guich ne laa SX-JOC-66/2017 noole'e ne laa SX-JOC/2017 steb

co'o ne laa SX-OCJ-63/2017, ne lúltim reé nak' ne culálde'e. sengaa rnaáb ne

yru'u xhcopie iraá guich nentne'e icaá iraá dís ne iraá cos ne xhnás gaák, chen

nganá tsu'u teé loó líber.

Segunt. gák nondet ne saad loó guich ne uru'u nentne'e laa tribunal electoral del

estado de oaxaca, guich reé uru'u chi'in sheé diciember ís txhup milneé chimtéb,

chen gákbey guichreé sereé saadoó JNI/27/2017, JNI/28/2017, JNI/29/2017

sereé udopoó, iráu nák xhcuent xhtís ne soób lguias en laa santa maría quiegolani,

oaxaca.

Tercer. gák nondet que'e, guich ne laa ieepco-cg-sni-335/2016, nentne'e ulaa

consejo general del instituto estatal electoral y de participación ciudadana ne soob

la'a, ulaa ne wáknoon xhquien ne usaal xhtís lguias reé.

Sereé cheguín, gák nondet iraá guich ne una'as iraá xhan nák xhist arreé, ni guich

ne san ne la'a xha nák xhtís, maseé ne gák non guial xhstís ne ulaxha na'asheree.

Cuart. gák sa'ad cheguín ne nondet xhquiel usaal xhtís lguias ne la'a santa maría

quiegolani, oaxaca, ne wák lo junt lguias xhuún sheé may ís ís txhup milneé

chimtéb.

Quint. rák rnebey ne gák sat nereé loó gobernador ne soob la'a chen cuií xha loó

artículo 79, fracción xv, loó guich ne noon ne laa costitución política del estado,

nentne'e rák saad ne soob teé xhan stebco'o ne gák xhtís.

Sext. rák rnebey loó xhan stebco'o ne soob ieloou lguias ne guú xha junt pront

chen ngana gueé xha ne la xha soob xhielou lguias reé, noo le 'e yeé xha iraá xhtís

cueeb ne soob lguias reé, per cuí queé xha gaán pese'e nák guiel xhtís ne saad

loó ghich reé.

Gueéch. rák rnebey loó, Instituto Estatal electoral y de Participación

Ciudadana ne soob la'a chen cueé'y yoó guiel tsal xhtís noó ila'u ne ichi'in dís reé

loó iraá guias uiín ne renebe'ey yelou reé chen ngana'a no'ou chi 'it yeé xhtís

cueble'el ne soob lguias reé, per yna'a gák noon de'et toó iraá ne saad loó guich

ne usaal xhtís ne soob na'a reé.

Xhún. gák, yquie'en loó secretaría de finanzas de asuntos indígenas del gobierno

del estado de oaxaca chen cue'eyoó ne saad loó guich reé, san gaque'e cuíu ne

tsudreé diíllguias reé ni iraá lguias uín ne rnebe'ey yelou reé.

Ga'a. gák, yquie'en loó Subsecretaria de Fortalecimiento Municipal del

Gobierno del Estado de Oaxaca, chen velnee gún noó gán cuíu ne tsude'et diíl

antes ne gák ne saad loó guich reé ne tsaal le'el xhtís steé, chen gák no'on guiel

rsaal xhtís.

Chi'i. gák, yquie'en loó gobernador ne zoob la'a, chen yquie'en xha'a Secretaría

de Seguridad Pública ne zoob la'a, ne cuíu ne tzude'et reé diíl chen gák xhcuent

ne sa'ad loó guich reé.

Chi'ibte'eb. gák, ynebe'ey loó Instituto Estatal Electoral y de Participación

Ciudadana de Oaxaca no le 'e loó xhan stebco'o ne soob xhielou lguias, chen ilu'u

xha'a di'ís gan pese'e sa'a loó ne tsaál xhtís steé no xhcuent ne saad loó guich

reé.

Chi'ibtxhúp. shiín guich reé nente'e la Dirección Ejecutiva de Sistemas

Normativos Internos del Instituto Estatal Electoral y de Participación

Ciudadana ne soob la'a chen ila'au ne gák be'ei iraá dís ne saad loó guich reé.

Traducción en la lengua Zapoteco de Santa María Quiegolani, Oaxaca.